وجه إبراهيم حسن، مدير منتخب مصر، رسائل حادة لمنتقدي شقيقه حسام حسن والإعلاميين، منتقدًا الهجوم على الجهاز الفني والتقليل من نجاحاته، ومطالبًا بدعم التوأم والحفاظ على فرحة الجماهير بالمنتخب.
ونشر إبراهيم حسن، مدير منتخب مصر، مجموعة من الرسائل عبر حسابه الرسمي على موقع التواصل الاجتماعي "فيسبوك"، انتقد خلالها الهجوم على شقيقه حسام حسن، المدير الفني للمنتخب الوطني، وبعض الإعلاميين، مطالبًا بدعم الجهاز الفني بدلًا من التقليل من نجاحاته والحديث عن رحيله.
وجاءت رسائل إبراهيم حسن بالتزامن مع أنباء توجيه الشكر للجهاز الفني للمنتخب بقيادة التوأم.
وكتب إبراهيم حسن عبر حسابه على "فيسبوك": "ليه الغل من زميل لينا كنا بناكل في طبق واحد وكنا بنشيل شيلتنا مع بعض، وليه الغل من معظم الإعلاميين والحرب والهجوم غير المبرر في كل صغيرة وكبيرة والتقليل من أي نجاح بنعمله؟ ليه بنكّبر الصغير على الكبير وننسى الأصول اللي الشعب المصري متربي عليها؟".
وأضاف: "نصيحة ورسالة للزملاء اللي نفسهم يتوفقوا في مكانه، نجاحنا إن حسام هو اللي ينجح علشان اللي هياخد القرار بعد كده تبقى موجود مكانه، علشان اللي بياخد القرار يبقى مطمن من تجربتنا ويديك فرصتك ومايخافش وينسى الأجنبي، لكن لو أنا فشلت مش هتجيلك".
وواصل إبراهيم حسن: "افتكروا حسام حسن المخلص والمحب لبلده اللي بينتحر علشان يفرح بلده، من غير أخطاء ولا ابتلاء في حياته، ورغم كل ظروفه الخاصة، عند شغله واسم بلده بيفضل ويجري، وكل حاجة ورا ضهره. ليه بنتحارب بالشكل ده عن كل موقف؟ ليه قبل كل معسكر يتعلن علينا الحرب الشرسة ده؟".
واختتم إبراهيم حسن رسائله قائلًا: "اتقوا الله في مصر، ليه عايزين تكسروا فرحة الناس الطيبة والأطفال اللي رجعوا يحفظوا تيشيرت وشعار منتخبهم وألوان وعلم مصر؟ اسألوا المصريين المغتربين عن أطفالهم اللي كانوا قربوا ينسوا ألوان وشكل علم بلدهم، افتكروا لمة الشعب وفرحتهم أثناء وبعد كل مباراة، افتكروا احترام العالم كله لمنتخب مصر".
- أول رد من إبراهيم حسن على أنباء إقالة شقيقه حسام من تدريب منتخب مصر.. خاص
- رد حاسم من إبراهيم حسن على أنباء خلافات حسام حسن ومحمد صلاح
- إبراهيم حسن يحتوي غضب مصطفى محمد بعد مباراة بنين - الفجر سبورت
- تفاصيل معسكر المنتخب قبل مواجهتي الرأس الأخضر وبتسوانا
- الفجر سبورت .. إنجي علاء تكشف كواليس لقائها الأخير بالراحل حسام شوقي
