أعرب سيد عبد الحفيظ المرشح على منصب عضوية مجلس الأهلي، عن وضع نظام صارم بالفترة القادمة في النادي الأهلي وأن الإلتزام سيكون هو الشيء الأهم.

وقال سيد عبد الحفيظ في تصريحات لبرنامج الكورة مع فايق: «أي حد مش مقدر شعار الأهلي ربنا يوفقك في أي مكان تاني، هشوف الأول الدنيا ماشية ازاي في ملف رواتب اللاعبين، لو عقلية أي لاعب مش هتناسب الفريق يبقى مع ألف سلامة».

وواصل: « الكرة محتاجة عين كويسة تختار وقدرات مادية ودا لازم يكون موجود دائما في الأهلي، بشوف إن كل متيجي فرصة نقوي الفريق هنعمل كدا، الفريق على طول بيمشي كويس بعد رحيل أي لاعب واللي يهمنا هوية النادي».

وأردف: «لابد من مراعاة الأقدمية في مجلس الأهلي ومهم تأصيلها لكل الأجيال، شعرت بمسؤولية كبيرة من ردود فعل الأعضاء خلال الندوات الانتخابية، لم نتحدث في الماضي خلال جلستي مع الخطيب، أنا مش شايل حاجة قديمة».

وأتم: «احنا مش في المدينة الفاضلة لكن دائما مصلحة الفريق بتكون أهم من الفرد في الأهلي، شعرت إن ممكن يكون ليا دور واقدر افيد الفريق لذلك قررت الترشح في الانتخابات، سيكون لي صلاحيات واضحة واختصاصات في الفترة المقبلة، مجلس الأهلي سينجح بالعمل الجماعي واختصاصات لكل فرد، الاختلاف في وجهات النظر حال حدوثها مع الخطيب أراه أمر صحي».