- الجمعة, 9 أغسطس, 2024 - 11:13 م
مصطفى بكري والرئيس السيسي
محمود الطقش
قال الإعلامي مصطفى بكري، عضو مجلس النواب، إن «هناك بعض الأشخاص في هذه البلد ومن يمتلكون حسابات على مواقع التواصل الاجتماعي المختلفة وخاصة على موقع "إكس" يلعبون بمشاعر الناس»، لافتاً «أراهن إن هؤلاء إذا كانوا ينزلون إلى الناس أو يشعرون بمشاعرهم هم أو غيرهم".
وأضاف مصطفى بكري خلال تقديمه برنامج «حقائق وأسرار» على قناة «صدى البلد»، مساء اليوم الجمعة، أن «الشعب هو صاحب القرار الأوحد، و محدش هيقنع حد إن انت وطني أو كذا»، موضحاً «والله العظيم لما بشوف اللي بيتكتب على الرئيس السيسي من أفاقين وكذابين وخونة، وإخوان، بقول والله الراجل ده كان الله في عونه، مستحمل هذه الرذالات وهؤلاء الأفاقين اللي معندهمش أي حاجة غير الصيد في الماء العكر، واللعب بمشاعر الناس مستغلين أزمتهم الاقتصادية».
وواصل، عضو مجلس النواب، «كل واحد عايز يبقى تريند ولا يعمل فيديو علشان يحصل قرشين يبقى على حساب البلد دي وعلى حساب الراجل اللي بيدافع واللي واقف واللي متحمل، والله ما أسهل إن الرئيس يقول انتوا مش عايزيني في البلد، خدوا البلد وسلام عليكم، هتعمل إيه هنبقى في حيص بيص، ولو عمل كدة، أنا متأكد إن الناس حتنزل تقوللوا ما تسيبهاش، أنا عايز الناس دي تتقي ربنا شوية وتعرف، إن البلد دي فيها مؤسسات».
وتابع مصطفى بكري، «مثلا واحدة تطلعلك ملهاش علاقة بأي حاجة، وتقول أي كلام وتقولك أنا ندمانة، بقولها ندمانة على إيه يا حاجة؟ ندمانة على إن الراجل ده أنقذ البلد؟ ندمانة على إننا كنا بنصرخ في الشوارع ونقول، إنزل ياسيسي انت رئيسي؟ ولا ندمانة على إن الراجل من أول يوم وهو واقف بيواجه جماعة إرهابية، كانت حتخطف البلد، والا رئيس معزول، أصدربيانا في 8 ديسمبر هدد فيه بانهيار مؤسسات الدولة وغيره؟»
- مصطفى بكري يوجه رسالة نارية للمتآمرين على الوطن - بوابة المساء الاخباري
- مصطفى بكري: ملناش غير البلد دي وهندافع عنها.. والقيادة السياسية تدير الأزمات بكل حكمة «فيديو» - بوابة المساء الاخباري
- خالد الصاوي يعلق على ظهوره مع كلابه الخاصة: «مش عايزين مصلحة مني بعكس الناس اللي عاشرتهم سنين» - بوابة المساء الاخباري
- مصطفى بكري: الرئيس يشعر بمعاناة المواطنين.. وعلى الحكومة إيجاد حلول لتخفيف وطأة الأزمة - بوابة المساء الاخباري
- نادية الجندي لـ اليوم السابع: لا ألتفت للصغائر.. ويا جبل ما يهزك ريح






