«أنا مش زي عادل إمام».. شريف منير يحتفل بخطوبة ابنته على طريقة «عريس من جهة أمنية»

احتفل الفنان شريف منير بخطوبة ابنته فريدة، وحرص خلال الحفل على توجيه كلمات خاصة للعروسين، معبرًا عن سعادته بهذه المناسبة، كما أشاد بعلاقته بعمر، عريس ابنته، الذي أكد أنه يحبه ويعتبره ابنه.

وقال شريف منير خلال الحفل: «عريس من جهة أمنية، بس أنا مش زي عادل إمام على فكرة.. يعني أنا، عمر أنا بحبه جدًا جدًا، وفريدة بنتي وحبيبتي ودلوعتي، فأنا سعيد جدًا جدًا إن أنا موجود في اليوم ده، وفرحان ببنتي الصغننة اللي بقت عروسة النهاردة».

وأضاف متحدثًا عن طليقته ووالدة ابنته لورا: «وطبعًا كمان ما أقدرش أنسى أم فريدة، لورا، اللي هي يعني كانت ليها دخل كبير جدًا في إنها تاخد بالها من فريدة وتكبرها ونوصل للمرحلة دي».

“فرحان ببنتي الصغيرة اللي بقت عروسة”.. شريف منير يرقص مع ابنته فريدة في خطوبتها، ولم ينس توجيه الشكر لوالدتها التي اهتمت بها وكبرتها، قبل أن يطلب من الحضور إفساح المجال له ليرقص مع فريدة لوحدهما>— ET بالعربي (@ETbilArabi) November 13, 2026

وتابع مؤكدًا محبته لعريس ابنته: «أنا أبو عمر برضو، فعلًا وبحبه، بحبه من قلبي والله».

وكشف شريف منير عن حديث سابق دار بينه وبين لورا بشأن تحديد موعد الخطوبة، قائلًا: «لورا من سنة أو سنة ونص قالتلي: عايزين نعمل الخطوبة بقى.. قولتلها اصبري شوية.. اصبري كله جاي في وقته».

ووجه الشكر للحضور والقائمين على تجهيز الحفل، مضيفًا: «ميرسي لوجودكم، وبشكر غادة كمان اللي عملت البوفيه العظيم والأكل اللي عجب كل الناس، بجد بشكرها جدًا».

واختتم كلمته بطلب توسيع مساحة منصة الحفل حتى يتمكن من الرقص مع ابنته، قائلًا: «وبطلب منكم بس إن إحنا نوسع الاستيدج (Stage) ونقعد، علشان عايز أرقص مع فريدة لوحدي على الأغنية دي».