ليلى أحمد زاهر وهشام جمال.. بات كل من الفنان هشام جمال وليلى أحمد زاهر حديث الجمهور خلال الساعات الماضية، وذلك بعدما حلا كضيفين في برنامج «صاحبة السعادة» الذي تقدمه الإعلامية إسعاد يونس.

أبرز تصريحات هشام جمال وليلى زاهر

شارك الثنائي ليلى أحمد زاهر وهشام جمال تفاصيل حياتهما بعد الزواج خلال استضافتهم في برنامج صاحبة السعادة الذي تقدمه الإعلامية إسعاد يونس، من مهارات الطبخ إلى خلافات الخروج والتأخير.

قال هشام: «الأغنية بتاعتي أنا وليلى كان فيها تفاصيل كتير، وكنت بحاول أخليها تركز في الكلمات علشان متعيطش، لكن فشلت، وكل اللي اتفقنا عليه في البروفات ما اتعملش، وكان بعدها أغنية «بنت أبويا»، وعياطها بوظ الميكب وحصل أزمة».

وأضاف هشام جمال إنه كان في الخارج برفقة ليلى زاهر في ثالث أيام شهر عسلهما، ورغبا في تجربة طعام جديد، فتناولا ساندويتشات من أحد الأماكن، وبعد صعودهما إلى الفندق، شعر كلاهما بآلام حادة في البطن.

وتابع: «الألم كان صعب جدًا وكأنها سكاكين في بطني، وأنا مش عارف في إيه، وليلى برضو كانت تعبانة ومش راضية تقول، وبعدها قُلت لها أنا تعبان يلا نروح المستشفى، ورُحت وكشفوا عليا وعملوا فحوصات وأدوني أدوية، وطلع ده بسبب الأكل، وليلى وإحنا هناك تعبت برضو وأخدت نفس العلاج، كان يوم صعب جدًا ولحد الآن ماحدش من أهلنا يعرف اللي حصل».

وقال هشام جمال، «آه، بقت بتطبخ! بتعمل بيكاتا ورز وبسلة تحفة، والأكل بتاعها مش بتاع واحدة لسه متجوزة.. الجودة أعلى!»

كما تابع: «اتخدعت، كنت فاكر إنها دقيقة في مواعيدها زي الشغل، لكن اكتشفت إن الـ10 دقايق بتاعتها يساوي ساعة، وأنا كمان عايز 10 دقايق.. يبقى خرجنا بعد ساعة ونص».

وردت ليلى بدورها: «أنا بنت وباخد بالي من نفسي، ميك أب خفيف وشعري ولبسي.. طبيعي آخد وقت، بس هو بقى بيحسبلي تايمر! قبل ما ننزل بساعه يقولي: معاكي ساعة، ولو عدّت، أنا هتحرك بالعربية!».

وكشف ليلى أيضاً: «كان بيشوفني في التصوير عنيا منفوخة ولسه صاحية من النوم، فمكنتش مضطرة أبان بشكل كيوت أو مثالي، هو شافني على طبيعتي».

وتابعت: «إحنا أصحاب جدًا من زمان، كنا بنتكلم في كل حاجة، ولما حبينا بعض واتجوزنا مكنش عندنا مرحلة إننا لسه بنستكشف بعض، بالعكس كنا عارفين كل التفاصيل».

وعلّق هشام جمال قائلاً: «إحنا اتكلمنا كتير جدًا في كل المواضيع، حتى قبل الجواز، وكنت قاصد نفتح كل الملفات، حتى اللي فيها مشاكل أو أخطاء، مش عشان عرفناها نكمل بيها، لا، نحاول نصلحها أو نتجنبها».

وأضاف: «من أكتر الحاجات اللي مساعدانا فعلاً إننا أصدقاء قبل أي حاجة، ولو عملت أكل بفرح، ولو معملتش بنطلب من بره، ببساطة ومن غير ضغوط».

اختُتمت الحلقة بتوجيه هشام جمال رسالة إلى زوجته أمام الجمهور، قال فيها: «ليلى مش بس زوجتي، دي طاقة حب وفرح في حياتي.. وأنا محظوظ إنها اختارتني».

لترد ليلى قائلة: «وأنا كمان محظوظة بيك يا هشام».

اقرأ أيضاً
«فستانك الأبيض».. هشام جمال يتصدر التريند بعد غنائه لـ ليلى زاهر

بعد تعرضه للاختراق.. أحمد زاهر يستعيد حسابه على إنستجرام

بعد «أزمة ثقة».. ملك زاهر في ضيافة «ON set» بهذا الموعد | فيديو