- الأربعاء, 15 أكتوبر, 2025 - 7:59 م
أشرف قاسم وأسامة نبيه
رامي نادي
تحدث أشرف قاسم، نجم نادي الزمالك السابق، عن تصريحات أسامة نبيه، المدير الفني لمنتخب مصر للشباب تحت 20 عامًا، بعد خروج المنتخب من كأس العالم للشباب التي أُقيمت في تشيلي من الدور الأول.
وجاءت تصريحات قاسم بعد الجدل الذي أثارته تصريحات أسامة نبيه حول أسباب خروج منتخب الشباب من البطولة، والتي شهدت أداءً باهتًا للمنتخب الوطني.
وكان منتخب مصر للشباب قد ودع منافسات كأس العالم تحت 20 عامًا بعد احتلاله المركز الثالث في مجموعته، ليغادر البطولة مبكرًا من الدور الأول.
وقال أشرف قاسم في تصريحات تليفزيونية عبر شاشة قناة الحياة: «كنت حابب إن أسامة نبيه ميطلعش يتكلم في الوقت ده، كان لازم يهدى شوية ويرتب الكلام اللي يتقال والكلام اللي ميتقالش، أنا مع إن في عدم توفيق مش فشل، وكان ممكن يعدي لو اللائحة بالمواجهات المباشرة».
وأضاف: «أنا كنت مع إنه ميتكلمش دلوقتي، ولو طلع كان يبقى في ترتيب لـ أولويات الكلام اللي يتقال، ومن أبرز التصريحات اللي قالها في عدم الاستعانة باللاعبين المحترفين، وشايلهم للدور المقبل، الكلام ده طبعًا مش صح، لأ أنا لازم أضمن المباراة وألعب بكل أوراقي الرابحة والقوة الضاربة بتاعتي».
وأتم أشرف قاسم تصريحاته قائلًا: «انت كنت محتاج كل لعيبتك المهمة عشان تعدي الدور الأول والمرحلة دي، واللعيبة أكيد جاهزة للبطولة، ولو عايز تعمل عملية روتيشن كان ممكن تعمل أثناء المباراة نفسها مش في الدور الأول بالكامل».
- تحرك جديد من اتحاد الكرة بشأن مصير أسامة نبيه في منتخب الشباب - الفجر سبورت
- نجم الزمالك السابق: تمنيت ألَّا يتحدّث أسامة نبيه بعد الإقصاء من كأس العالم للشباب - الفجر سبورت
- وزير الشباب: مصر تمتلك المقومات الكاملة لاستضافة كأس العالم - الفجر سبورت
- وزير الشباب والرياضة: مصر تمتلك المقومات الكاملة لاستضافة كأس العالم والأولمبياد بدعم القيادة السياسية - الفجر سبورت
- وزير الشباب والرياضة يشهد مؤتمر وصول كأس العالم 2026 إلى مصر - الفجر سبورت






